چه‌تره‌که‌ت

چتره‌که‌ت کوکه ، کوکه ای چون چویر

بیدمشک اردتی ، بو به‌ چون هویر

تا ده‌س بکیشم تال ای مویه‌کت

مانگ نیمه شاریا شعله رویه‌کت

تال ای چتره‌که‌ت بار تا بنمه الام

نقره پیچ که‌می ئه‌رای ئه‌دنیام

یک یک بشمارمی بزانم چنده

مه‌سپارمی وه ذهن مزانم چنده

تاگه‌گه‌ت که‌مه و لای که‌فه‌نم

هر اوم داشتو باقی وه جه‌نم

دوس نازارم

دوس نازارم شیفته شاله‌کم

باو زحمت بکیش باو وه‌ ماله‌که‌م

مۆره کاو سینم اسپن بکم دوۆ

تا تو بپرسی حال حواله‌که‌م

م ک مال نیرم چاتول که‌لی که

پیش که‌شت بکم وژ ایاله‌که‌م

هه‌ر تونم داشتو چیشت ارای چه‌مه

کوگ چه‌م رژیا خه‌ط و خاله‌که‌م

دلفون ژاره‌که خاکت وه‌ دم بو

سیر وژت بکه چه‌ت حواله‌کم

زنج چاله‌که‌ت

خالی ها وه‌ر بان زنجه چاله‌که‌ت

ری بلد نی ام  بامه  ماله‌که‌ت

وه‌ دزی سیر که‌م جمالت  بوینم

روشنی چون ئاو، زلالت بوینم

تویل زه‌ری کی بو ئه‌برو کمانت

مه ا کو گرم نوم و  نیشانت

دله‌ گیون بنم خو سئرت  بکه‌م

سیری  گیانانه ژه مهرت بکه‌م

ئاویزه گوشت ژه کامین ره‌نگه

لعله یا گوهر یا کامین  سه‌نگه

تیخ هوه‌ری تو سفیدی چو مانگ

چترکه‌ت هویله گل گه‌نم بژانگ