نورۆز

نورۆز وه‌ خیر بای فه‌روه‌رتیت ئاورد

گل گله‌ جاران سه‌ر په‌تیت ئاورد

گل زه‌رد سور بنوشه‌ سپید

شه‌مال مه‌شانو زلف سوز بید

مزگانا به‌ش که‌ن ئه‌روه‌شیه‌ مای

وه‌ ناز نعمه‌ت هه‌ر خوه‌شیه‌ مای

شاقه‌ کوگ نیر دوصد نازه‌وه‌

گورانی چرین وه‌ پروازه‌وه‌

چه‌ فه‌رر شکوه‌ ایرانیان هه‌ت

چۆ عید نۆروز جه‌مشیریان هه‌ت

هه‌ر بژی ده‌ست اوسا بیه‌ر ساز

کلکله‌سوران دو ده‌سماله‌ هواز

هوه‌رتات هاو دما میوه‌ باره‌سی

بهشت هه‌ر یه‌سه‌ هونه‌ کاره‌سی